युनिक फीचर्स

भाऊ पाध्ये, अशोक शहाणे, तुळसी परब, कमल देसाई, श्री. दा. पानवलकर, वसंत दत्तात्रेय गुर्जर या नावांचा इंटरनेटवर वेगवेगळ्या प्रकारे शोध घेण्याचा प्रयत्न केल्यावर काय सापडतं, असं पाहण्याचा प्रयत्न कितीदा तरी केला. पण फारसं काही हाताला लागेना. म्हणजे कुणाचं तरी कुठलं तरी पुस्तक कुठेतरी नोंदवलंय, तेवढी नोंद फक्त दिसते. किंवा कुणाचा तरी पेपरात आलेला एखादा लेख नेटवर आहे, त्यामुळे हा उल्लेख सापडतोय. कुणाबद्दल दुस-याच कोणीतरी लिहिलेलं थोडंसं पेपरात, त्यामुळे ते सापडतंय. फोटो दिसतायंत का पाहिलं, तर ते पण जवळजवळ नाहीच. ह्या तपशिलात थोडंसं इकडेतिकडे होऊ शकेल. पण एकूण परिस्थिती लाजिरवाणी आहे असं वाटलं.

'मायबोली.कॉम' - १६ वर्षांपूर्वी सहज गंमत म्हणून बोस्टनचे अजय गल्लेवाले यांनी सुरू केलेले हे वैयक्तिक संकेतस्थळ आता बहरून मराठीतील आघाडीचा वेबसमूह झाले आहे. मराठी नेटिझन्सनी सुरुवातीपासूनच भरभरून दिलेला प्रतिसादामुळे हे वैयक्तिक होमपेज बदलत जाऊन मराठी वाचकांचे आवडते संकेतस्थळ बनले. आधी या संकेतस्थळाचे नाव 'ऐसी अक्षरे' होतं. पण कॅलिफॉर्नियातील उत्तरा आळतेकरांनी तिचं 'मायबोली' असं बारसं केलं.